XX. mendeko Euskararen Corpus estatistikoa

Testuingurua

Aho handi

Orai artino Lonchampbon ginuen Ravitaillement delakoaren lehen nagusi.

Jalitzen da. Adiorik ez! Nehori galdatu gabe badakigu denek deus handirik ez duela egin. Ba, arras ederki ebili da, jo harat, jo hunat, Angleterran eta Ameriketan bere burua deskantsatzen zuela. Joan-jin horiek are gure sakelaren gostuz, gure zintzurrerendako probetchu joririk gabe.

Haren ordain eman daukute Yves Farge egunkari-egile bat; Bikinen zen egun hautan bombe atomique horren etseguetarat igorria, jakiteko zer zen iraganen.

Han ethorri zaio Ravitaillement horren buru ezartzen zutelako berria. Jakin-eta berri on hori, bertze kezeta egileak bildu ditu, eta erran diote:

- Frantzian badira ainitz merkatu beltz egile. Sartuko nizelarik galde eginen dut izan diten preso altchatuak, eta hobendun haundienak garbi!

Entzule guziak hasi zaizko esku-zartaka, bainan (gure iduriko) gizon edan baten aitzinean artzen den bezala: jali dezan gohiago haro.

Ba gaztiga ditzala, jeus lanik egin gabe, bertzeen bizkargain, heien beharrez baliatuz bizi, direnak! egin dezala, eta ez bakharrik erran, ainhitzek erraiten baitute, egin nahi ez dutelakotz.

Bainan diogu oraiko izaiteaz hobendun dela gain-gainetik gobernua; hura lehenik, gobernua; hura lehenik, hura kasik bakharrik.

Ravitaillement delakoak emaiten balio frantses bakotchari den mendren behar duen hura, ez litazke joan jendeak merkhatu beltzerat.

Eskasia deno, merkhatu beltza izanen da. Ez dute ez elhek, ez obrek ere khenduko, nehork ez baitugu goseak hil nahi!

Egun hautan zioten (ez dakit egia denetz!) hurbildu zaizkola arrain-kontrolur bati, itsas-bazter hortan: Orai aski! Hauta zazu: ala gara, ala ur? - Nahiago dut gara! - Sar zite otomobilean: helduko zaitugu Baionako garalat.

Bainan norapait oihan zola batzuetarat heltzearekin, erran omen diote: - Ihiztari baitzinen, izanen zira erbi! Jali zite, eta ez gehiago agert!

Holakoak gerthatzen badira, ez du nehork erranen holakoek behar luketela baitezpada gerthatu!

Bainan gobernuari litake, bere zerbitzuen buru, burua duten gizonen ezartzea: denen gainetik hura hobendun.

Urthe huntan ari gira, zerbitzuak ez direla batere gidatuak... Bainan zertako ez dituzte bada zerbitzu-nagusi horiek berritzen?

Undarreko gerlan Joffre jeneralak, ikusi ondoan zein ez deusak ziren soldado.

- Aintzindariak, laster fueratu zituen, bertze batzu ordain ezarri eta gerla irabazi!

Oraiko gerlan, Gamelin jeneralak utzi ditu manatzale beren kasketa urhezkoekin ez deus andana bat, eta gerla begi itzultze bate galdu!

Gerlaz geroztik, Ravitailement delakoaren buru, ezagutu ditugu hainitz Gamelin.

Joffre ez oraino agertu!

Beldurtzeko da oraikoa ere Gemelintiarra dugun: bertzenaz Joffrek bezala eginen zuen: ordrea ezarriko ravitaillement hortan: lana ongi egiten duena aintzin-araz; alfer eta ezacholak, ohoin eta baliatzaileak, gaztiga; gibel, fuera edo preso altcha!

Hoinbertze jende gose delarik, ez zaiku eder gure ministroa ar dadin dena espantu. Gure baithan egiten dugu: Aho handi!.

SO EGILEA